Gikumpirma ni Police Leutenant Colonel Rey Egos ang hepe sa Koronadal PNP nga hingpit na nilang gipasakaan ug kasong two counts of murder ingon man two counts of frustrated murder ang tulo ka mga suspetsadong mipusil sa usa ka pamilya sa Brgy.Topland sa syudad sa Koronadal niadtong Abril 26 sa gabie.
Kung kahinumduman nga samtang gatan-aw lang ug TV ang mga biktima sa ilang panimalay kalit lang kining giduol sa mga suspek ug gipangpusil kung asa patay si Lucio simpal ingon man ang iyang umagad nga si Jeffrey Fernandez samtang samdan usab ang duha pa sa maong krimen.
Saysay man usab ni Police Leutenant Colonel Rey Egos nga usa palang ang ilang nailhan sa mga suspek nga dunay standing warrant of arrest samtang ang duha padayon pa nilang ginasuta aron mailhan ang mga pangalan niini.
Gipaklaro usab sa opisyal nga dili pa nila mahatag ang pangalan sa nailhan nga suspek gumikan kay padayon ang ilang manhunt operation batok sa nasampit ug aron usab dili maapektuhan ang padayon nilang gihimong imbestigasyon. (Reynald Timario)
