Ginaplanuhan sang city government nga magtukod sang columbarium sa ginpasira na nga Bacolod Public Cemetery. Ini ang ginkumpirmar sa DYHB ni Jerome Solinap, head sang General Services Office, matapos nga ginmando na ni Mayor Evelio Leonardia ang pagpasira sang nasambit nga patyo sumugod sang Disyembre 1, 2020.
Ginpahayag dugang ni Solinap nga kun ma-rehabilitate naman ang patyo posible buksan ini liwat sa publiko. Sa nasambit nga columbarium isulod ang mga tul-an sang mga ginlubong nga naglawig na sang lima katuig.
Samtang, iga-verify naman sang GSO sa Bacolod Housing Authority kun qualified nga makabaton sang relocation site ang mga buhi nga naga-istar sa sulod sang patyo. May lima karun ka indibdwal nga naga-istar sa sulod sang Burgos Public Cemetery kag kun matapos ang verification, hatagan sila sang 15 ka adlaw agud magbiya na sa lugar.
[image: image.png]
