Nagpagawas karon og advisory ang City Health Office aron nga malikayan ang sakit nga hatud sa Haze nga nasinati karon sa syudad ug Misamis Oriental.
Matud sa City Health nga ang mga tawong edaran, kabataan ug adunay sakit sa baga sama sa hubak, chronic obstructive pulmonary disease ug kasingkasing ang angay nga mag-amping.
Dugang pa sa City Health kiini pinaagi sa pagpabilin sulod sa balay kung walay importanteng lakwon, mogamit og mga dust mask kung mogawas sa panimalay, ug paglayo sa mga lugar nga posibleng magpundo ang aso.
Samtang angay usab nga magpakonsulta sa doctor kung mabati ang mga sintomas sama sa paglisod sa pagginhawa, ubo, sakit sa dughan, kanunay pagluhaluha sa mata, ug adunay iritasyun sa ilong ug tutunlan.
Facebook Comments
