General Santos City— Nagpabiling negatibo sa covid-19 ang gensan ug tibuok rehiyon 12 human nga mag-negatibo ang tanang gipa-ilalon sa Patient Under Investigation.
Sumala kang Dra. Jett Oco, Acting Officer sa City Health Office Gensan nga daghan na sa mga person under monitoring ang nakatapos na sa 14 kaadlaw nga self-quarantine.
Pag-angkon niya nga adunay mga false alarm nga nanggawas bahin sa usa ka koreanong nakitaan matud pa ug sintomas sa COVID-19, apan wala kini kamatuuran.
Dugang pamahayag ni Dra. Oco nga dihang gisuta sa ilahang surveillance team, nasayran nga nakasinati ug allergies ang nahisgutan ug wala kini sintomas sa COVID-19.
Sa karon padayong gipa-ilalom sa person under monitoring ang nahisgutan hilabina nga nag-gikan kini sa mga lugar nga apektado sa COVID-19.
