Padayon ang pagpahigayon sa City Health Office sa awareness batok sa sakit nga dengue.
Matud ni Doktora Fe Bongcas sa Cityhealth, kini pinaagi sa pag-adto sa mga pribado ug pampublikong tunghaan aron nga maghimo og symposium kalabot sa maong sakit.
Gawas niini, nakig-koordinar usab sila sa barangay, tungod kay dili masulbad sa city health office ang sakit nga dengue kung sila lang ang maningkamot.
Tungod niini, giaghat karon ni Doktor Bongcas ang tanan nga mga kapitanes, nga i-activate ang task force sa matag barangay pinaagi sa pag-house to house visits sa mga residente.
Facebook Comments
