Tagreklamo kuman nan City Health Officer, Dr. Emmanuel A. Plandano an BHW Coordinator sa syudad na si Mrs. Gorna Cambalon tungod sa paggamit sanan paghaud sa ija pirma .Sumaya pa ni Dr. Plandano na taghaud o tag forged an ija pirma sa isa ka documento para makagawas an budget na mokantidad sa P49,500 para sa pagkaon sanan snacks sa moatender unta nan isa ka kalihukan o aktibedad sa syudad sanan lain pa na P56,000 para sa t-shirt . Nadiskobrehan nan City Health Officer na tag-haud an ija pirma sa did on na ini nakakita sanan nakakuha sa amu na kopya,rason na ija dajon tagdali an pagpahold sa City Treasurer’s Office para dili marelease an amu na kwarta o budget. Dugang pa ni Dr. Plandano na desidido sija na sang-atan nan kasong Forgery si Mrs. Gorna Cambalon , City BHW Coordinator tungod kay ini an mihimo sa pagpeke sa ija pirma na way ija pagtugot. Nagdumili isab si Cambalon sa pag atubang sa media sa did-on na ini tagsuwayan pagkuha unta nan interview sanan milaong lamang, ” Dili ako magpa interview sa ijo kay jaun tumo tumo lamang…Ajaw ko hadloka nijo nan jaun interview!” ( RadyoMaN Jerson Fuentes)
