General Santos—Busy pa gtihapon hangtud karong mag higayona ang buhatan sa city Licensing Division sa Gensan alang sa ilang preparasyon alang sa renewal sa mga business permit alang sa tuig 2018.
Kini gibutyag ni Geralden Zamora, ang labaw sa City Permits And Lisencing Office Sa Dakbayan. Giangkon usab sa opisyal nga sa tuig 2017 mas daghan ang mga mikuha ug business permit tandi sa nakalabayng tuig 2016.
Aminado usab si Geraldine Zamora nga ubay-ubay pa gihapon ang wala makakuha ug mga permit sa ilang buhatan luyo nga dugay nang nagoperate ang ilang mga negosyo.
Gani iya usab giangkon nga daghan naman sila ug napasirad-an nga mga establisemento ug tindahan apan wala pa nila masubay ang tanan. Mas gamay hinuon kini tandi sa napadlakan sa nakalabayng tuig apan kung basehan ang ihap ubay-ubay pa gihapon kini.
Gipaklaro usab ni Geraldine Zamora nga lahi na ang sistema sa proseso sa pagkuha ug permit sa gensan tandi sa una nga mga patakaran. Pagpaklaro niini nga base sa usa ka memorandum circular mahimo nang makakuha una ug permit ayha ang uban pang mga requirement sulod sa usa ka bulan.
Gani dinhi sa Gensan mas gitagaan ug pabor ang mga buot magnegosyo tungod inay nga 30 kaadlaw lanag gihimo kining 90 ka adlaw sa lokal nga kagamhanan sa gensan. (Jordan Britos)
