Subli na usab nga napugngan sa Court of Appeals Mindanao ang mando sa DILG-10 nga tangtangon sa pwesto si Mayor Oscar Moreno ning dakbayan.
Kini tungod sa gipagawas nga resolusyon sa C.A 22nd Special Division kung asa mipabor nga ma-consolidate ang ika-24 nga kasong administratibo nga giatubang ni Mayor Moreno sa Ombudsman.
Matud ni Mayor Moreno nga tungod niini, wala nay epekto ang mando sa Ombudsman nga gisilbi niini batok kaniya alang sa pagkanaog sa pwesto isip mayor.
Mahinumdoman, nga 48 ka counts sa kasong administratibo ug kriminal ang gipasaka ngadto sa Ombudsman batok sa mayor nilang Engr. Antonio Nuñez, tungod matud pa sa mga proyekto sa gobyerno nga gi-implementar nga wala moagig public bidding, niadtong gobernador pa kini sa Misamis Oriental.
