General Santos Cty— Kapin 500 na nga mga business permit ang na-release sa city permits and licenses division kaganinang buntag.
Sumala kang Geraldin Zamora, labaw sa maong buhatan nga mas daghan na ang maong ihap kung tandi sa ilahang na-release sa samang adlaw milabay’ng tuig.
Apan kung basihan ang ilahang target nga dul-an 8mil layo pa kini ug daghan pa ang ilahang gina-paabot gumikan wala pa man lang kini maka-abot ug 10 porsyento.
Dugang pamahayag ni Zamora nga sa ilahang pagdawat sa mga magpa-renew ug buot magkuha ug permit, wala na silay nakita nga problema.
Gawas nalang matud pa sa mga buot mga mukuha ug permit o magparenew nga walay mga barangay clearance o dili hatagan ug barangay clearance gumikan sa managlahing rason.
Pagpaklaro niya nga kung walay barangay clearance dili gyud nila mamahimong marelease ang mga business permit.
Samtang gibutyag ni Zamora nga karon nga tuig target nila nga maka-release ug 12mil nga mga business permit gumikan s apagdaghan sa mga negosyo sa dakbayan.
