General Santos City— Ginapaabot nalang Sa City Permits And Licenses Division ang mando ni Gensan City Mayor Ronnel Rivera kung unsaon ang mga STL outlet nga misobra sa 45 nga gitugutan.
Sumala kang Geraldine Zamora, labaw sa maong buhatan nga base sa nahimong report sa kapulisan anaa sa kapin 200 na nga mga STL outlet ang naga-operate sa dakbayan.
Kung asa giangkon niya nga sa ilahang paglibot ubay-ubay gyud ang ilahang nakit-an nga mga STL outlet nga naga-operate gawas pa sa 68 nga sirado.
Dugang pamahayag ni Zamora nga hangtud karon wala pa silay gihuptan nga listahan sa mga nahimutangan sa STL outlet sa dakbayan.
Pag-angkon niya nga niduol na sila sa PCSO aron nga mangayo ug listahan human nga magpagawas ug executive order si Mayor Rivera apan bisan matud pa ang PCSO ang wala usab listahan sa mga stl oputlet sa Gensan.
Sumala niya nga atol sa ilahang pagsuta, aduna matud pa silay nakit-an nga mga bayolasyon sa kabahin sa trento partikular na sa mga outlet niini.
