General Santos City—Nagmugna ug usa ka unit nga gitawag ug City Special operations Group ang Gensan City Police Office kansa maoy motutuok sa kaso sa pagpamusil sa Gensan.
Ang lakang gihimo human sa sunod-sunod nga pagpamusil sa lungsod nga gikalambigitan sa Motorcycle riding criminals.
Matud kang Police Col. Gelberto Tuzon, OIC City PNP Director sa General Santos City Police Office nga galihok na ang maong unit aron resulbahon ang mga nahitabong patay dinhi sa Gensan.
Dugang ni Tuzon nga dungan sa iyang paglingkod isip City Director sa GSCPO sunod-sunod na nga pagpamusil ang nahitabo sa Gensan mao nga gimanduan niini ang iyang mga sakop nga imugna ang City Special Operation Group kansa maoy mogukod sa mga responsable sa pagpamusil.
Pinaagi niini, matutukan sa PNP ang mga nahitabong shooting incident sa Gensan tungod may unit na nga motutok niini.
