El Isabela City Mayor Al-Qaid Akbar ya recivi cinco (5) awards na DOLE-9/DTI-9 LOCAL CHIEF EXECUTIVE FORUM na Garden Orchid hotel ayer que ya ase con el ciudad el Most awarded LGU na Zamboanga Peninsula region.
Enclujido na maga awards amo el Most Active City Tripartite Industrial Peace Council; Institutionalized PESO; Biggest number of Job Fairs; Biggest Number of Women Beneficiaries; Biggest Number of IPs Beneficiaries.
El mencionao ocassion ya organiza el Department of Labor and Employment 9 bajo na liderato di Regional Director Ofelia B. Domingo que ya abri si DOLE Usec. Joel Maglunsod.
El forum ya consentra el launching del DOLE-LGU elocator; PESO Institutionalization; Role of LCE na PTIPCI/CTIPCI; y Role del LCE na Labor Standards.
El alcalde Akbar ya promete para mas man institutionalize sila con el PESO dentro del 6 meses y ya aprova el 150 SPES beneficiaries para el año 2018.
