Davao City – Gipahimangnoan karon sa Civil Service Commission (CSC-Davao) ang katawhan nga buot pa magparehistro alang sa unang batch sa Civil Service Exam karong tuiga nga mag-apply una paman maabot ang deadline.
Sumala Evelyn Yparraguirre, chief HR specialist sa CSC-Davao, posibleng manirado na ang application wala pa man mag Enero 16 diin kini gisugdan kaniadto pang Disyembre 17, 2018 sanglit dagok karon ang mga aplikante gani gatusan na lamang ang nahibilin nga slots.
Segun niini nga 12,888 ang ilang quota karong tuiga sa tibuok Rehiyon 11 diin 6,038 niini gikan sa Davao office ug ang nahibilin sa Tagum, Mati, ug Malita branches.
Sa mga buot pa mangapply, kinahanglan lang dalaon ang upat ka mga passport-size ID nga adunay name plate ug signature sa aplikante ingon man ang identification card.
RadyoMaN Jason Amisola
