Manila, Philippines – Agad na bumuo ang House Committee on Justice Committee ng Small Technical Working Group (TWG) na siyang gagawa ng committee report at articles of impeachment.
Pangungunahan ang TWG ng limang Vice Chairperson ng komite na sina Congressmen Vicente Veloso, Doy Leachon, Henry Oaminal, Arnulfo Fuentebella, at Strike Revilla.
Ayon kay House Justice Committee Chair Reynaldo Umali, sa March 14 ay pagbobotohan ng komite ang committee report at articles of impeachment.
Agad namang iaakyat sa Committee on Rules ang committee report at articles of impeachment para ma-review at mapag-aralan ng komite sa loob ng 10 session days.
Pero dahil kulang sa panahon at 7 session days na lamang ang matitira sa Mababang Kapulungan, sa pagbabalik ng sesyon sa Mayo pa ito mai-aakyat sa plenaryo.
Mayroon namang 60 session days para talakayin at pagbotohan ng mga kongresista ang articles of impeachment sa plenaryo.
Kapag nakakuha ng botong 1/3 o 98 na kongresista pabor sa articles of impeachment, iaakyat na ang reklamo sa Senado na tatayong impeachment court.
