Maga-sugod na subong nga adlaw ang clearing operation sa mga vendors sa palibot sang Burgos Public Market.
Ang Burgos Public Market nga may yara sang 42 ka vendors sa Burgos Street kag 155 ka mga vendors sa Daniel Ramos St.
Nahisugtan sa meeting kahapon sa NGC nga ang tanan nga mga vendors nga yara sa gwa ang ipa-sulod sa merkado.
Suno kay Bacolod United Vendors Association Acting President (Burgos Market) – Ben Hur Anlap Jr., nga medyo mabudlay para sa ila ang ini nga mandu sang national government apang wala sila sang may mahimo kundi mag-cooperate.
Ginapasiguro ni Market Supervisor Atty. Allyn Luv Dignadice, nga may yara sang nagaka-igo nga pwesto sa sulod sang merkado ang mga ma-apektuhan nga vendors.
Facebook Comments
