*Target sa militar nga tapuson ang clearing operations sa Marawi sa Abril sunod tuig.*
*Matud ni Col. Romeo Brawner, Deputy Commander sa joint task force Ranao, kini ang gihatag nga timeline sa task force Bangon Marawi nga maoy manguna sa rehabilitasyon sa lungsod.*
*Gipasabot ni Brawner, higpit ang ilang himoon nga clearing operations busa maabtan pa kini sa lima ka bulan.*
*Kung kanhi matud pa nga ginaarsa lamang sa mga sundalo ang mga debris ug atop aron matangtang ang mga wala mibutong bomba, karon gagamit na sila sa metal detector.*
*Importante matud pang limpyo gikan sa mga bomba ang tibuok main battle area sa dili pa mobalik ang mga residente ug pasudlon ang demolition team nga maglimpyo sa lungsod.*
*Sa karon, kapin duha ka ektarya pa sa main battle area ang angay ipaubos sa clearing operations.*
