Nanawagan karon ang usa ka taas nga opisyal sa City hall sa mga residente ning syudad sa Cagayan de Oro nga motabang sa Cleaning operation aron makuha ang nagka daghan nga water lily sa Cagayan de Oro river.
Matud ni Armen Cuenca, hepe sa City Local Environment and Natural Resources Office kon Clenro nga nagkinahanglan sila sa mga volunteers nga motabang sa City hall aron makuha ang nagka daghan nga water lily aron mahatagan protection ang suba sa Cagayan de Oro.
Gibutyag ni Cuenca nga ila nang gisugdan sa Clenro ang clearing operation sa Cagayan de Oro river apan tungod sa kadaghan sa water lily nagkinahanglan sila sa dugang nga personahe ug mga equipment nga kargahan sa maong nga sagbot.
Gidugang ni Cuenca nga namiligro ang kahimtang sa suba sa oras nga motabon na ang maong sagbot Cagayan de Oro river.
