BACOLOD CITY, NEGROS OCCIDENTAL – Anum tanan ka mga biktima sang buno ang gindangat sa Corazon Locsin Montelibano Memorial Regional Hospital antis kag pagkatapos ginsaulog ang bag-ong tuig.
Nakilala ang mga biktima sang paglabo nga amo sandsay Roderick Mahilum, 30 anyos sang Brgy. 35, Bacolod City.
Natabo ang insidente pasado las 2 kaina sang kaagahon sa ila balay kon diin nakaangkon ini sang multiple stab wounds. Wala pa natumod ang suspek kag motibo sang kremin.
Samtang, nag-angkon man sang nagkalain lain nga pilas sa pila ka bahin sang iya lawas ang biktima sang pagbuno nga si Ian Valdecasa, 28, sang Prk. Mahili-ugyon, Brgy. 35, ciudad sang Bacolod pasado las 2 kaina sang kaagahon.
Isa pa sa biktima ginkilala kay Lino Mondejar, 17 anyos sang Purok Punay, Brgy. 16, Bacolod. Ini siya nag-angkon sang pilas sa abaga, tuo nga agtang kag kamot.
Suno sa biktima, ginhabuyan sang palupok ang ila ugsaran sang suspek nga nakilala lang kay Alias Kim-kim gani naakig ang iya amay gani iya gin-kumprontar ang suspek kag didto sila nga nagsumbaganay nga nagresulta sa pagbuno sa iya.
Sa Brgy. Villamonte, ginaalegar ginbuno sang iya man lamang tatay ang biktima nga si Fritz Opani, 27, sang Purok Banawi. Suno sa live-in sang biktima, ang tatay man lang mismo ni Fritz ang nagbuno sa iya kon diin ini ang naigo sa iya tuo nga dughan.
Samtang, naga-saot saot naman ang biktima nga si Jorel Recomoro, 18 anyos ang edad sa atubang sang ila balay sang ini siya ang gulpi lang ginpalapitan sang suspek, ginsuyaan kag ginbuno.
Bangud man sang sinuyaay kon nga-a nabun-an ang biktima nga si Berly Francisco, 25 anyos sang Prk. Cagaycay, Brgy. 2 ciudad sang Bacolod. Ini siya nag-angkon sang multiple stab wounds./ Not the actual bladed weapon used
