BACOLOD CITY, NEGROS OCCIDENTAL – Siyam tanan ka mga biktima sang palupok ang gindangat sa regional hospital humalin kagab-i tubtub kaina sang kaagahon angut sa pagsaulog sang bag-ong tuig.
Ang mga biktima ang naghalin sa nagkalain lain nga bahin sang probinsya kag ciudad sang Bacolod.
Ini sila ginkilala nga sanday Dennis Elija, 43 anyos sang Brgy. Alijis, Bacolod. Suno sa biktima, suli ang iya pagsindi sang wala ginhingadlan nga palupok gani ini ang gilayon nga naglupok kag naigo siya sa agtang kag butkon.
Arlene Robles, 38 sang Brgy. Felisa, pag-gwa sa ila balay, nalukpan sang palupok; Bernel Garcia, 21, sang Prk. Cabugwason, Brgy. Mansilingan, naigo sa tudlo matapos gulpi naglupok ang iya ginsindihan nga piccolo.
Sa banwa sang Hinigaran, biktima sang palupok sanday sanday Catalino Ysulan, 44 kag Kate Ysulan, 23 sang Brgy. 3 subong man si John Paul Sepra, 24 sang Brgy. Gargato na napilasan sa tuo nga tudlo.
Sa Calumanggan, Bago City, nalukpan man sang kamara ang biktima nga si Ruben Rodrigo, 63 kag naigo sa iya kamot kag tiyan.
Nagasgasan naman sa iya paa kag butkon ang biktima nga si Geralyn Rebuca, 11 sang Brgy 13 samtang nalukpan naman ang index kag middle finger sang biktima na si Roosevelt Concepcion, 15 anyps sang Brg. 35 matapos iya ginsindihan ang cable bomb.
Ang amo nga mga biktima ang lunsay ginpangdala sa Corazon Locsin Montelibano Memorial Regional Hospital./ Doc Julius Drilon photo
Tag: Visayas, dyhb, Bacolod
