Bangud sa COVID-19 regular session sang Sangguniang Panlalawigan sang Negros Occidental ang nangin close door sa publiko kag ginhiwat lang ini sa opisina ni Vice Governor Jeffrey Ferrer.
Sa 15 ka mga board members onse lang ang nagtambong bangud ang iban nga board members nga gikan sa malayo nga distrito ang may kabudlayan sa pag travel bangud sa ginapatuman nga medical check point sa dalanon.
Suno kay SP Secretary Atty Makki Ascalon may 16 ka reference of business kag 11 ka calendar of business nga agenda apang temprano ini nga gin tapos.
Samtang naga pabilin nga skeletal force ang trabaho sang SP matapos gin paidalum sa disinfection ang opisina sang mga board members.
Madumduman nga ang result sang swab test sang isa ka technical staff nga person under monitoring (PUM) ang ginpadala sa RITM kag wala pa ma release ang resulta, rasin nga ang tagsa ka opisina sang mga board member ang may tig-isa lang anay ka empleyado nga maga duty.
