Patay ang isa ka lalaki nga nagaserbe close-in security sang isa ka bise alkalde matapos nga ini ang gintiro sang riding in tandem sa Guihulngan City sang nagligad nga Huwebes Santo sang gab-i.
Ang biktima ginkilala kay Belarmino Isolana, 56 anyos, isa ka anay drug surrenderee kag naga-serbe karon bilang close-in security ni Guihulngan City Vice Mayor Ernesto Reyes.
Suno sa imbestigasyon sang Guihulngan City Police Station, ang biktima nagalakat sa dalan pila ka metro halin sa iya balay sang ini gintiro sang suspek nga nagasakay sa motorsiklo.
Nag-angkon sang igo sang bala sa pila ka bahin sang iya lawas kag ulo ang biktima gani ini ang gin-declare dead on arrival sa ospital.
[image: image.png]
Facebook Comments
