Davao City – Gipasabot sa Department of Agriculture o DA-XI og nganong wala pa masugdi karong semanaha ang cloud seeding sa probinsya sa Davao del Sur isip tubag sa El Niño season phenomenon subay sa pagdeklara sa probinsya og ‘State of Calamity’ gumikan sa distroso diha sa ilang pananum ug agrikultura.
Sa AFP-PNP presser, gibutyag ni Roy Jose Pascua, disaster risk reduction management focal sa DA-XI nga posibleng sunod semana pa or duha ka semana pa ang mulabay ayha kini hingpit nga himuon gumikan aduna pay ginahulat nga proseso niini.
“Hindi pa nag-start, nakastandby ang aircraft sa Mactan (Cebu) and we are just waiting for the procurement kasi talagang dadaan tayo sa process sa emergency purchase,” segun ni Pascua.
Dugang niini nga sa karon anaa na sa 230 million pesos ang damyos sa agrikultura sa probinsya tungod sa hulaw ug mokabat na sa 6,500 ka mga mag uuma ang apektado diin matud ni Pascua nga posible pang madungagan ang ihap niini.
Una na nga giingon nga magsugod karong Marso ang cloud seeding ug mahuman sa Mayo 25, 2019.
RadyoMaN Renz Barbarona
