Ipadayon sa dakbayan sa Valencia ang pagpatuman sa clustering schedule sa ilang siyudad ilawom sa Modified General Community Quarantine sugod karong adlawa, June 1, 2020.
Sa press conference kagahapon, gibutyag ni Atty. Marlowe Selecios, ang City Legal Officer sa mao nga dakbayan gibutyag niini nga ang clustering schedule epektibong pamaagi sa pagpatuman sa social distancing ug aron malikayan ang panagdasok sa mga tindahan ug mga establisyemento tungod kay limitado lamang sa 50% ang venue o seating capacity sa halos tanang establisyemento.
Ipatuman sa mga checkpoints ang clustering schedule para mapahibalo ug mahatagan ug giya ang mga residente ug mga bisita.
Gimanduan usab ang central markts, stores, shops, malls, establishment ug mga opisina nga ipatuman ang clustering schedule sa gawas o entrance sa ilang mga establiemento ug did-an ang pagpasulod sa mga residente ug dumuduong nga dili ilang schedule.
Aron maka-akses sa mga nag-unang panginahanglanon ug serbisyo kinahanglan nga ipakita sa mga residente o bisita ang musunod:
Valid ID nga adunay address, mamahimo usab ang quarantine pass, cedula ug voters certification o kaha barangay certification. Ang mga minor de edad nga gi-ubanan sa ilang mga ginikanan o guardian dili na kinahanglan mopakita sa ilang ID.
Walay apil sa clustering kadtong adunay transaksyon sa bangko ug ubang pang financial ug lending institutions, frontline workers, mga mo-access sa dental ug medicial services nga adunay doctor’s appointment slips, cargoes, trucks nga nagdeliver ug essential food, non-food ug agricultural products, by passers o transients nga muagi lang sa Valencia.
Base sa schedule sa mga residente sa ubang LGU’s:
Cluster 1 – (North Cluster), Tuesday, Thursday, Saturday ug Sunday naglangkob sa Malaybalay City, San Fernando, Cabanglasan, Lantapan, Sumilao, Impasug-ong, Talakag, Baungon, Libonaq, Manolo Fortich ug Malitbog.
Samtang sa Cluster 2 – (South Cluster) adlaw nga Lunes, Miyerkules, Biyernes ug Dominggo gilangkuban sa Maramag, Quezon, Don Carlos, Kitaotao, Dangcagan, Kibawe, Damulog, Kadingilan, Pangantucan ug Kalilangan.
