Subling ipatuman sa siyudad sa Valencia ang clustering schedule para sa mga katawhan nga mo-access sa mga nag-unang panginahanglanon sa dakbayan.
Basi sa executive order no. 91 nga gipagawas ni Mayor Azucena Huervas, epektibo ang subling pagbalik sa clustering schedule sugod ugmang adlawa, Huwebes, Oktubre 15 hangtod Oktubre 31 ning tuiga.
Sa schedule para sa Barangay nga sakop sa Valencia, ang cluster 1 mao ang mga Barangay Banlag, Barobo, Lilingayon, Mt. Nebo, Maapag, Lumbayao, Tongan-tongan, Nabag-o, Bagontaas, Tugaya, Lurugan, Pinatilan, Vintar ug San Carlos kung asa tugutan nga maka-adto ug makapamalit sa adlaw nga Lunes, Miyerkules, Biyernes ug Dominggo.
Ang cluster 2 gilangkuban sa Conception, Lourdes, Sinayawan, Sinabuagan, Mailag, Sugod, Laligan, Catumbalon, Batangan, San Isirdo, Dagat-Kidavao, Lumbo, Guinoyuran, Colonia, Kahapunan ug Mabuhay, kung asa adlaw nga Martes, Huwebes, Sabado ug Dominggo ang schedule.
Ang cluster 3 mao ang Brgy. Poblacion nga pwedeng maka-access sa basic nessecities sa adlaw nga Lunes, Miyerkules, Huwebes, Sabado ug DOminggo.
Samtang sa mga residente gawas sa Valencia mao kini ang schedule, Cluster 1 – Malaybalay City, San Fernando, Cabanglasan, Lantapan, Sumilao, Impasug-ong, Talakag, Baungon, Libona, Manolo Fortich, ug Malitbog kung asa adlaw nga Martes, Huwebes, Sabado ug Dominggo ang schedule.
Samtang sa Cluster 2 mao ang adlaw nga Lunes, Miyerkules, Biyernes ug Dominggo para sa mga lungsod sa Maramag, Quezon, Don Carlos, Kitaotao, Dangcagan, Kibawe, Damulog, Kadingilan, Pangantucan ug Kalilangan.
Gawas sa clustering schedule, gilugwayan usab ang total liquor ban hangtod Oktubre 31.
Ang mao nga lakang tungod sa padayon nga pagtaas sa kaso sa COVID-19 sa Valencia City.
