Davao City – Gipasuspinde sa Coast Guard District Southeastern Mindanao (CGDSEM) ang tanan biyahe sa dagat gikan sa rehiyon paingon sa Luzon ug Visayas samtang nagpadayon ang pagkusog sa bagyong “Uwan,” nga nagdala og kusog nga hangin, pag-ulan, ug dagkong balud sa daghang parte sa nasud.
Base sa pinakabag-ong sea travel advisory sa CGDSEM, ang suspensyon misubay sa abiso sa DOST-PAGASA human gipailawom sa Tropical Cyclone Wind Signal No. 5 ang pipila ka lugar sa Luzon ug Visayas. Apil sa suspensyon ang tanan sakayan ug watercraft nga gikan sa Southeastern Mindanao paingon sa mga lugar nga apektado sa bagyo, aron malikayan ang peligro sa dagat.
Gipahimangnoan usab sa Coast Guard ang mga pasahero, shipping operators, ug mga kapitan sa barko nga magpabilin nga alerto ug maghulat sa opisyal nga mga pahibalo gikan sa mga otoridad. Gi-awhag usab ang tanan nga unahon ang kaluwasan samtang padayon nga ginabantayan ang paglihok sa bagyong Uwan, nga nagdala og kadaut sa dagat ug baybayon sa nasud.
RadyoMaN Kareen Beltran
Facebook Comments
