Ginahulat sang Philippine Coast Guard Negros Occidental ang official written communication gikan sa Maritime Industry Authority (Marina) Region 6 may angut sa pagpaisol sang byahe sang fastcraf kag RORO vessels sa Negros Occidental sa Hunyo 1, 2020.
Ini suno kay PCG Negros Occidental chief, Lt. Commander Janse Benjamin matapos nga ginpahanugutan ni Marina Regional Director Jose Venancio Vero Jr. ang hingyo nanday Negros Occidental Gov. Bong Lacson kag ni Bacolod City Mayor Evelio Leonardia nga indi anay pagdayunon ang byahe sa Mayo 18, bilang kabahin sang preventive measure batuk sa paglapta sang COVID-19.
Ginpahayag dugang ni Benjamin nga padayon lang karun ang ila pagpreparar sa mga pwerto sa probinsiya para sa pagbalik sang byahe sa Hunyo.
Sa pihak nga bahin, ginpahayag sa DYHB ni Weesam Express operator Frank Carbon nga wala pa sila ginhatagan sang Marina Region 6 sang special permit para sa pagbalik sang ila byahe nga gintalana nila kuntani sa Mayo 18.
Kinahanglanon suno kay Carbon ang special permit gikan sa Marina bangud maga-implementar sila sang bag-o nga schedule sang trip kag magabuhin man sila sang pasahero.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
