Gisakay sa Philippine Coast Guard vessel nga BRP Suluan ang 2,800 ka family food packs alang sa mga biktima sa bagyong Ursula ngadto sa Isla sa Carnasa ug Malapascua sa lungsod sa Daanbantayan .
Matud sa tigpamaba sa CG Central Visayas , Lt. Junior Grade Michael John Encina nigikan alas 5:30 kaganinang buntag ang barko ug naabot sa Daanbantayan alas 10:00 sa buntag.
Ang mga family food pack nga paigo sud sa lima ka adlaw , gikan sa Department of Social Welfare and Development -7 , subay sa hangyo sa kapitolyo .
Una niini si Mayor Sun Shimura sa Daanbantayan nibutyag nga 700 ka pamilya sa isla sa Carnasa samtang 2,100 usab sa Malapascua ang naapektohan ni bagyong Ursula.
Facebook Comments
