Malipayon si Cagayan de Oro City Police Office o COCPO Director Police Supt. Nelson Aganon sa pagkunhod sa krimen ning syudad.
Matud sa maong opisyal, nga mikunhod ang krimen gikan sa bulan sa Enero hangtod sa Marso ning tuig 2018 kung itandi sa miaging tuig.
Gibutyag usab sa maong opisyal, nga nabahin sa duha ang klase sa krimen og kini mao ang Index crime kung asa, naglakip kini sa krimen sama sa murder, homicides, physical injury, rape, crimes against property kon car napping, robbery, thief ug uban pa.
Samtang, ang non–index crime mao usab kadtong pagsupak sa special law sama sa paglambigit sa illegal nga druga, violence against women and children, comprehensive law of firearms and violation, anti-rape law, anti-child abuse law, anti-illegal gambling ug uban pa.
Dugang pa ni director Aganon, nga layo kaayo ang pag-ubos sa krimen niadtong tuig 2017 sa samang mga bulan kon itandi karong tuiga.
Apan gibutyag ni Aganon nga bisan kung miubos ang ihap sa krimen, dili matud pa angay magkompyansa ug pabilin gihapong nakaalerto batok sa mga dautang element.
Kinsa mohimo sa mga krimen sama na lamang sa pagpanulis, pagpangawat, pagpatay ug uban pa.
By: Ellah Baculio
