Aduna nay lead nga gilantaw ang Cagayan de Oro City Police Office kon COCPO sa kamatayon sa kanhi Mayor sa Kadingilan Bukidnon nga si Jolito Hakusalim Talaid.
Si Talaid usa ka negosyante ug taga Hillsborough Subdivision, Upper Carmen ning dakbayan.
Matud ni Supt. Mardy Hortillosa ang Spokesperson sa COCPO nga usa sa ilang giimbestigahan karong panahona mao ang mga kaso nga gipasaka sa kapuyo sa biktima batok niini.
Dugang pa ni Supt. Hortillosa nga ilang susihon kung aduna kini connection sa kremin tungod kay hangtud karon anaa pa ang nasangpit nga mga kaso.
Aduna usab nadawat nga impormasyon nga adunay nadawat nga hulga sa kinabuhi kaniadto ang biktima apan ila pang giimbestigahan kung kinsa ang naghimo niini.
Samtang giimbestigahan na usab sa COCPO ang suspetsado nga mipusil patay sa biktima nga si kanhi Kadingilan, Bukidnon Mayor Jolito Hakusalim Talaid.
Matud ni Cagayan de Oro City Police Office kon COCPO Spokesperson Supt. Mardy Hortillosa, nga yano ra kaayo ang lihok sa suspek, nakakalo lang ug igo lang nagbaklay.
Dugang pa ni Hortillosa nga ang problema karon kay hanap ang kuha sa CCTV sa panagway sa suspetsado busa nangayo na sila og tabang sa Anti Cyber Crime Group aron nga ma-klaro ang panagway niini.
