Gipahibalo karon sa Cagayan de Oro City Police Office kon COCPO ang mga guidelines sa PNP checkpoints.
Matud sa COCPO nga daghan pang motorista ang wala pa nakahibalo kung unsay procedure atol sa checkpoint.
Ang mga mosunod ang mga guidelines:
- Magpahinay ug dagan unya hunong sa daplin ug patya ang makina.
- Tangtanga ang helmet labi na kung naka full face helmet ka.
- Ihatag and OR CR sa motor nga wala naka pilo apil na sab ang imong lisensya.
- Pangayo ug katahuran sa mga inforcers sama sa MAM ug SIRS. Ayaw sila tawga ug BOSS.
- Human sa pag inspection ug gitugutan naka nga mulakaw, ayaw kalimot ug pangayog pasalamat.
- Ayaw sugot kung pakuyugon ka o pasakyon sa ilang mobile car kung imbitaron man gani ka nila. Kung asa ka nila nadakpan nga checkpoint dapat didto ra ka nila mismo ticketan.
- Kung na impound ang imong motor, ayaw kalimot ug kuha sa ilang impormasyon: – Pangalan sa nagdakop – Plate number sa mobile car – Presento kung asa sila na assign – Ug location kung asa nila e-impound ang imong motor
- Kung supak ka sa ilang pagdakop o dili ka uyon sa nakabutang sa ticket, ayaw permahe ang ticket para naa kay panlaban nila kung gusto gyud nimo ni e reklamo.
- Ayaw gayud pag-pagunit sa imong lawas. Ayaw pasagdai nga mukapkap o mugunit sila sa imong mga gamit. Mas maayo nga ikaw mismo ang mupakita sa mga sulod sa imong mga gamit sa motor ug sa mga gamit nimo nga naa sa imong lawas. TIMAN-I: Ayaw ug kompyansa nga matamnan ka ug ebedensya sa drugs, pusil o sa mga butang nga hait o delikado.
- Ayaw pagtawag ug back-up kung maticketan ka. Mas maayo kung magpa low profile ta permi ug musunod nalang sa balaod para patas sa tanan. Pero di man sa ingon nga dili maayo mutawag ug back-up labi na kung sa tan aw nimo gi abusaran ang imong katungod ug wala na sa balaod ang pagdakop nila nimo.
- Ayaw pakig-away or mahimong arogante sa mga enforcers labi na sa PNP. Ang tanan masulbad ra sa saktong pakig-istorya kay naa tay proseso para ana.
- Siguradoha nga mga tinuod nga inforcers ang mga nangdakop ninyo. Ug kung asa ang mga area sa mga nag checkpoint. Dali ra ninyo mahibaw an sa mobile car pa lang nga ilang gidala. Kung nagduda jud ka dapat alerto kaayo ka.
- Dapat naa sa hayag nga lugar mahimutang ang checkpoint ug wala sila nahimutang sa blind curve. Dapat naay mga signage nakabutang atol sa operation. Puwera lang kanang checkpoint nga oplan sita o naay emergency checkpoint nga pagabuhaton kana nagpasabot nga anaa silay giatngan nga subject.
Facebook Comments
