Gidili ang pagdala og backpack, pagkalo, pagpayong ug pagsuot sa sunglass, atol sa ipahigayong mga parada sa syudad sa Higalaay Festival alayon sa kapistahan sa syudad.
Kini ang gipahimangno ni Police Major Evan Viñas ang Spokesperson sa Cagayan de Oro City Police Office kon COCPO.
Gidid-an usab sa maong opisyal sa pagtambong sa parada ang mga buros, adunay mga gagmayng anak ug adunay gibating sakit.
Lakip usab niini nga gidili ang pagsuot sa mga mahalong alahas ug pagdalag mahalong butang nga makadani sa mga balhibuon og kamot, aron dili mabiktima sa pagpanguot ug pagpanglabni.
Tumong niining masiguro ang kaluwasan sa publiko ug kung aduna may makasupak niini, hangyo ni Major Viñas sa kapolisan nga makakita nga istoryahon sa hinay nga paagi ang maong tawo aron kini masayod.
