15 ka mga motorsiklo ang pormal nga gi-turnover sa Filipino-Chinese Community ning dakbayan ngadto sa Cagayan de Oro City Police Office kon COCPO kagahapong adlawa.
Gibutyag ni COCPO Spokesperson Supt. Mardy Hortillosa nga ang maong mga unit ang gihatag ngadto sa mobile patrol unit aron nga mas mapalig-on pa ang seguridad sa syudad.
Tungod niini, mapasalamaton ang COCPO ngadto sa mga Filipino-Chinese Community tungod kay nakita nila ang pagkinahanglan sa kapolisan sa dugang mobility.
Dugang pa ni Supt. Hortillosa nga tungod sa dugang motorsiklo mogahin usab ang COCPO sa budget alang sa regular nga fuel supply niini.
Hangyo lamang usab ni Hortillosa sa mga personahe nga mogamit sa maong mga motorsiklo nga ila kining ampingan ug atimanon.
Facebook Comments
