*Nangandam na ang Cagayan de Oro City Police Office kon COCPO alang sa hugot ug maayong seguridad, atol sa prusisyon sa Itom nga Nazareno ugmang adlawa. *
*Gipahayag ni COCPO spokesperson Police Chief Insp. Mardi Hortillosa, nga mas gipahugtan nila ang gipatumang seguridad alang sa kapistahan sa Nazareno gumikan sa hulga sa terorismo.*
*Hinuon gihupay sa maong opisyal ang kabalaka sa mga deboto batok sa bahad sa terorismo sa dakbayan.*
*samtang *
*Dili matud pa angay mahadlok ang katawhan sa maong hulga tungod kay ilang ipatuman ang hugot nga seguridad, aron masigurong dili makalusot ang mga terorista.*
*Gibutyag pa ni Chief Insp. Hortillosa, nga gakalusotan pa man gani ang mga dagkong syudad, samot na ang mga gagmayng nasud sama sa Pilipinas. *
*Nanawagan usab kini sa publiko nga sundon lamang mga guidelines nga gipagawas sa kapulisan kalabot na sa mga do’s and dont’s atol sa traslacion sa Itom nga Nazareno.*
*By; Radyoman Aiza Enloran and Ellah Baculio*
