Gikumpirma ni Police Lt. Col. Mardy Hortillosa, ang Spokesperson sa Cagayan de Oro City Police Office kon Cocpo nga adunay mga polis nga dili gahatag og insaktong sustento o sweldo sa ilang pamilya.
Kini ang tubag ni Lt Col. Hortillosa human nga nagpagawas ang Vice Chairman ug Executive Officer sa Napolcom og pahayag, nga nagkadaghan ang reklamo batok sa maong problema.
Matud ni Lt. Col. Hortillosa, nga adunay mga reklamo sa pamilya ang nadawat nila sa region tungod kay wala gisustentohan, gibulagan sa bana ug uban pa.
Dugang pa niini nga kini nga mga kaso, ilang ipadala sa national head quarters tungod kay apil kini sa matawag nga financial abused.
‘’Kung dili kaya sa sweldo, dili magpataka og gasto’’.
Kini usab ang depenisyon ni Police Lt. Col. Mardy Hortillosa, ang Spokesperson sa Cagayan de Oro City Police Office kon Cocpo, sa gitawag nga simple living.
Matud ni Lt. Col. Hortillosa, kung ang sweldo sa usa ka polis pang PO1, dili kini angayan mogasto sa pang General aron nga pabiling masustentohan ang pamilya.
Dugang pa ni Hortillosa nga alang kaniya, dili lang sa polis kini nga problema kondili lakip na sa mga asawa tungod kay adunay mga asawa nga mga materialistic.
Nasayran nga tinuod nga adunay polis nga loyal sa asawa nga ga-remit sa ilang saktong sweldo sa asawa, apan kung ang asawa dili kabalo mo handle sa finances kini ang dakong problema.
