General Santos City— Giangkon ni Police Senior Superintendent Romeo Ruel Berango, City Director sa Gensan City Police Office nga pressure sila sa karon sa kampanya batok illegal nga droga gumikan sa mga bag-ong kamanduan.
Apan iyahang gibutyag nga sa kabahin nila sa kapulisan, kinahanglan gyud nilang himuon ang tanan aron nga masumpo ang illegal nga droga hilabina sa ilahang area of responsibility.
Sumala niya nga sa dakbayan sa Gensan, iyaha ng gihatagan ug direktiba ang tanang mga Chief Of Police nga magpahigayon ug mga positibong operasyon batok droga alayon sa police operational procedure.
Paniguro ni Col. Berango nga dili na gyud subling mahitabo pa ang pagpataka nga mga operasyon sa kapulisan gumikan nauna na matud pang gi-warningan ang tanang operatiba.
Pagpaklaro niya ubay-ubay nga mga seminar na ang gi-agian sa mga pulis nga mabutang sa drug enforcement unit o sa matag Police Station nga mahimong operatiba ug nasayud sila kung unbay mahitabo kung adunay illegal nga mga operasyon.
Rason nga hugot nilang ginapatuman ang pagpahigayon ug mga surveilance ingon man mga operasyon.
