Gipaniguru ni Col. Maurito Licudine, Brigade Commander sa 402nd Brigade Phil. Army nga milihuk na ang iyang tropa sa 23rd IB Phil. Army aron dili masubli nga mapatay sa rebelding New Peoples’ Army (NPA) ang mga magsurender nga kanhi nila kaubanan.
Kini ang pamahayag ni Col. Licudine subay sa lino-og nga pagpatay sa mga biktima’ng lumad nga sila si Reynante Lloren, 19 anyos ug membro sa tribung Higaunon kinsa gipatay niadtong Huebes Santo dayon gisundan sa laing pagpatay sa biktimang si Joel Canatoy, membro gihapon sa tribung Higaunon – kinsa kini duha parehung kanhi sakop sa NPA nga nagsurender.
Alang ni Col. Licudine kinahanglan mobarog sa desisyon ang mga kanhi NPA nga magsurender lakip na ang risgu ug kadelikado sa ilang kinabuhi.
(VC. AFP 1)
Bisan ug wala pay pormal nga pag-angkon sa NPA nga sila ang naghimu sa pagpatay, apan sigurado na ang military nga binuhatan kini sa mga teroristang NPA basi usab sa “modus operandi” sa NPA.
[image: licudine.jpg]
