Usa ka aktibong membro sa rebelding New Peoples’ Army (NPA) ang gipusil patay nga 21 anyos didto sa brgy. Bitan-agan ning dakbayan sa Butuan.
Kini ang kompirmasyon ni LTC Francisco Molina, Jr., battalion commander sa 23rd IB Phil. Army sa interview sa RMN DXBC Butuan.
Ang biktima giila nga si Rodanie Luchavez, 21 anyos, ulitawo ug residenti sa brgy. Bitan-agan ning syudad kinsa brutal nga gipatay sa wala maila nga mga armadong grupo bandang alas 5 ang takna sa hapon niadtong nakalabyang adlaw.
Sigun ni LTC Molina nga gitahasan sa mga NPA si Luchavez nga mangilkil ug kwarta sa mga katawhan apan pakyas niya ma-remit sa Kumander ang nakolekta nga kwarta mao’ng posible kini ang rason nganong gisilotan ug gipusil patay ang biktima.
Kahibaloan nga unang gipahayag ni Norma Jagmoc, ang inahan sa biktima nga nibiya na sa walhong kalihukan ang iyang anak niadtong 2018 apan wala sila’y gidudahan nga grupo kung kinsay nagpatay sa biktima.
[image: molinaaaaaa.jpg]
