General Santos City—- Gipaklaro ni Police Senior Superintendent Raul Supiter, Acting City Director sa Gensan City Police Office nga adunay mga strategic areas nga ginabantayan ang kapulisan rason nga wala sila sa mga lugar kung asa nagakahitabo ang mga pagpamusil.
Apan gipaklaro niini nga iyaha usab ginasuta kung ang mga pulis nga dapat anaa sa ilahang deployment area nga dapat bantayan ang anaa gyud ug wala lang nagpatulog-tulog gumikan dili niya gusto nga adunay mga pulis nga bantay-kalinaw.
Saysay pa niini nga gawas sa mga imbestigasyon nga ginahimo sa kapulisan gawas sa ilahang organisasyon, aduna usab silay imbestigayson nga ginahimo sulod sa han-ay sa kapulisn aron masigurong walay ni bisan usa ang nagahimo ug kahiwian.
Dugang pamahayag ni Col. Supiter nga kinsa mang pulis nga mapamatud-an nga kalmbigit sa hiwing binuhatan ang mapasakaan gyud ug kaso. Sumala niya nga sagad sa mga pulis sa dakbayan ang nagatrabaho gyud ug sakto gawas nalang sa pipila nga makonsiderang badlungon.
Gani iyahang gibutyag nga dili niya kinahanglan ang mga maayo nga mga pulis kundili ang iyahang gihinahanglan mao ang mga pulis nga kugihan manarbaho.
