Ginpakigbahin man sang chief pathologist sang DOH Central Visayas, Dr. Mary Jean Leroche sa pagsinapol kahapon sa Bacolod City upod kay DENR Sec. Roy Cimatu ang pinakamaayo nga mga practices sa pagpahagan hagan sang outbreak sang COVID-19 sa Cebu City.
Suno kay Dr. Leroche daku ang nabulig sang ululupod nga pagtinguha sa tunga sang mga public kag private hospitals.
Iya ginsiling nga ang mga Level 1 hospitals ang gin-gamit bilang “step down facilities” para sa mga may mild nga kaso samtang ang Level 2 kag 3 nga mga ospital ang nag-akomodar sang mga moderate kag critical nga kaso.
Nagpadala man ang DOH sang iya sini mga nurses agud nga amo ang mag-atindir sa mga COVID-19 allocated beds sa public kag privates hospitals.
Samtang, sa iya naman nga bahin, gin-recommend ni RIATF Visayas deputy chief implementer Gen. Melquiades Feliciano ang pagtukod sang isa ka centralized command center nga pagapamunuan sang barangay kapitan.
Sa command center magasapol ang tanan nga clusters sang technical working group kada adlaw agud nga mapabakud ang ila collaboration.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
