General Santos City—Kulatado ang usa ka collector human gitabangan ug kulata samtang gikawatan pa ang iyang motorsiklo sa may Purok Malok, Barangay Labangal, Gensan alas 2:30 ang takna sa kabuntagon.
Giila ang biktima nga si Rolando bajo, 26, residenti sa Purok San Isidro, Barangay Buayan, Gensan.
Sumala sa report sa Police Station 2 nasayran nga nahidangat sa lugar ang biktima aron nga sugaton ang iyang live-in partner. Apan wala pa siya kasulod sa Purok Malok, dunay babaye matud pa nga mipara kaniya ug nihangyo nga musakay padulong lang sa basketbolan sa maong lugar.
Apan pag abot sa lugar nikalit lang ug syagit ang maong babaye nga matod pa siya gimolestya sa suspek.
Usa ka Abu Simpal maoy nirespondi uban ang tulo pa ka mga tawo dayon gitabangan ug kulata ang biktima.
Nakasibat nuon ang biktima sa kamot sa mga suspek apan nabilin ang iyang motorsiklo sa lugar. pag balik niini alas 5:00 ang takna sa kabuntagon wagtang na ang mga accessories sa iyang motorsiklo apil na ang duha ka ligid niini.
Wala na tawon nahimo ang biktima inay igo nalang sa pagpatala sa buhatan sa kapulisan.
