Dipolog City – Usa ka college instructor ang namatay sa nahitabong aksidente human magbangga ang duha ka motorsiklo pasado alas 9:00 kagabii sa may National Highway, Barangay Gulayon ning dakbayan sa Dipolog.
Giila ang namatay nga si Jonh Robert Balbuena Bulandres, 26 anyos, ulitawo, Instructor sa JRMSU Dipolog Campus lumad nga taga Barangay Poblacion, lungsod sa Siayan ug temporaryong nagpuyo sa Victoria Hills, Polanco.
Gikabangga niini ang laing nagmotorsiklo nga si Marlon Cabural Cortes, 61 anyos, mulupyo sa Barangay Gulayon diin nahitabo ang aksidente.
Migawas sa imbestigasyon sa kapolisan nga si Bulandres paingon na unta pauli nagmaniho sa gipanagyahang single motor mio kolor orange apan pag abot dapit hitaboan gumikan sa kakusog sa dagan aksidente nagbangga sa kasugat nga Honda wave kolor itom nga gimaniho ni Cortes.
Sa kakusog sa impak maayong pagkabunal ang ulo ni Bulandres samentadong kalsada samtang nalagpot sab si Cortes.
Gipangdala sa personel sa recue 117 ang duha sa Zamboanga del Norte Medical Center apan nianang alas 9:55 sa gabii gideklarang ni Dr. Rouela Balagot nga patay si Bulandres gumikan sa naakong Traumatic Brain Injury.
Samtang gibalhin pagdala sa Corazon c Aquino Hospital si Cortes ug kasamtangan pa nga gitambalan.
Si PO1 Hermes Cortes ang traffic Investigator sa Dipolog City police Station, nagkanayon nga gawas nga wala magsul-ob og helmet si Bulandres, giingong nakainom ug bino. (-r.m-)
” Sa maong aksindente, unsa ka mahinongdanon ang pagsuot ug helmet nga karon hugot nga gipatuman sa syudad “
