Davao City – Nagpadayon ang combat operation sa 60th Infantry Battalion Philippine Army human ang nahitabong engkwentro sa Sitio Tadok, Brgy. Kapatagan, Laak, Comval Province alas 6:30 sa buntag niadtong miaging adlaw, Abril 19.
Sa pakighinabi sa DXDC RMN Davao kang 60th IB CMO officer Jodel Balanbal, on-going gihapon ang ilang operasyon sa nasangpit nga area.
Dugang niya, nagpaayo na karon sa Eastmincom hospital ang sundalong samaran nga si Corporal Kith Domingo.
Kahinumduman nga naengkwentro sa tropa sa gobyerno ang kapin kun kulang 50 ka mga gituohang miyembro sa Guerilla Front 33 sa New People’s Army kun NPA ilawum sa pagdumala ni alias “hiker” niadtong miaging adlaw nga miresulta sa pagkaangol sa usa ka sundalo ug pagkamatay sa usa ka wala pa mailhing sakop sa NPA.
RadyoMaN Renz Barbarona
