BACOLOD CITY – Kapin sa 47 tanan ka mga winning candidates sa nagligad nga barangay election ang wala pa naka-submit sang ila SOCE ukon Statements of Contributions and Expenditures.
Suno sa COMELEC Bacolod, nga ang wala naka-submit sang SOCE ang ginalakipan sang 45 ka mga SK Kagawad kag duha ka barangay kagawad.
Ang mga barangay kagawad nga napaslawan nga mag-file sang SOCE sa deadline nga sadtung June 13 amo sanday Neri Telesforo sang Brgy. Pta. Taytay kag John Jay Aguilar sang Brgy 41.
Suno kay Bacolod Election Officer Atty. Mavil Majarucon-Sia, magapadala ang campaign finance unit sang COMELEC-Central Office sang notisya sa mga natungdan nga kandidato agud makapa-athag naman sila sang ila nga bahin.
Sa record sang COMELEC Bacolod nga sa kapin 2,300 ka mga nagpapili sa Barangay kag SK Election, 78 porsyento palang diri ang naka-file sang ila nga SOCE./dyHB BACOLOD
