TACLOBAN CITY – Tinikangan yana nga adlaw in pwede na mangampanya an mga nakandidato ha Barangay pero may pahinumdom an Commission On Elections (COMELEC) ha iyo.
Singko pesos la dapat an gagastuson han nakandidato ha Barangay kada botante.
Ha interview han RMN kan COMELEC Regional Director Nick Mendros, mayada hira nakakarawat nga reklamo ngan ginsasayop iton comelec hini nga singko pesos an gagastuson han nakandidato ha kada botante.
“To clarify ha, it COMELEC it ginpipinakaraot hito nga sinko pesos. Diri ito amu, it Kongreso an naghimo hito. Kun kinahanglan ito bag-uhon diri COMELEC it may kapas or power pagbag-o hiton, it congress.”
Aada man gud ha balaud pinaagi han Republic Act 9006 o an Fair Election Act nga nagmamando nga hini.
Madugay na ini nga balaud sanglit ginhihimangrawan na yana han mga Regional Directors han COMELEC para magpropose hin bag-o nga balaod ha Kongreso.
“Mayada kami common discussions yana ito nga butang in ansya an amon hihimuon ha amon assessment nga ig-propose naton to congress to amend it and to increase in such a way nga mayada niya scalation flows alowing the comelec to increase it depende hit inflation rate.”
Pero pahinumdom han opisyal nga tungod nga ira pa ini ginpapaghimangrawan, magsunod la anay kun ano iton ginlalarang han patak han balaud.
