Giklaro sa buhatan sa Commission on Election kon Comelec nga walay gitakdang specific nga oras sa pagpangampanya.
Kini human sa mga pangutana kung wala bay regulasyon ang Comelec nga magbawal sa pagpangampanya ilabina sa pagrecorida o paggamit sa pagsaba-saba sa panahon sa kagabhion o sayo pa sa buntag diin makabalda sa ilang pagkatulog.
Sa interview sa RMN Malaybalay ngadto kang Atty. Milber Alenas ang provincial election supervisor sa Comelec-Bukidnon gibutyag niini nga gibutang lamang sa Comelec resolution nga mag-sugod sa Marso 29 hangtod Mayo 11 pagpangampanya sa local nga kandidato ug wala gibutang ang oras.
Apan nagpahimangno usab si Atty. Alinas sa mga putiliko ug supporter nga kung makamugna na ug gitawag nga disturbance ang pagrecorida, adunay laing balaod nga mamahimong atubangon sama sa ilawom sa revised penal code , ug uban pang special law sama sa mga ordinansa kung makasupak.
