Hugot nga gipatuman sa Bukidnon Provincial Police Office ang comelec checkpoint alang sa nagsinagbot nga barangay ug SK election.
Sa interview sa RMN Malaybalay ngadto kang PSI Jiselle Longakit ang tigpamaba sa PNP Provincial Command gibutyag niini nga ang pagpahigayon ug checkpoint maoy nag-una nilang gitutukan aron sa pagbantay sa kahapasay ug kalinaw tungod sa nagkaduol nga piliay.
Kada lungsod adunay matud pa kini himoon nga checkpoint kada adlaw nga mulungtad sa duha ka oras o depende sa sitwasyon nga ibutang sa s trategic location sa ilang area of responsibility.
Nagsugod ang election period kaniadtong Abril 14 ug mulungtad hangtod sa Mayo 1 ning tuiga.
Matud ni Longakit nga apil sa mga guidelines ug procedure nga ilang gihimo ang comelec checkpoint, pagpatuman sa gun ban.
Nagpahinumdom usab ang opisyal nga anaa pa sa ilawom sa martial law ang Mindanao maong dili na angayan ikakurat nga hugot nga pagpatuman sa gun ban.
