Pila ka oras kagabie sa dili pa ang meeting de avance sa Team OKKA, gitugaw kini sa usa ka fake news nga nagkatag sa social media, kung asa nag disqualify kang Mayor Oscar Moreno sa pagka dagan pagka mayor.
Matud ni Atty. Dale Mordeno ang chief legal counsel ni Mayor Moreno nga usa ka peke ang mga mikatag nga dokumento kay short bond paper size ang gigamit imbes nga legal size.
Dugang pa nga duna kini pirma sa mga commissioner apan ang tinuod nga promulgation walay pirma sa mga commissioner, imbes tatak nga original sign ang ilang i-marka.
Dili usab mao ang font style nga gigamit sa nagkatag nga dokumento, kung itandi sa font nga gagamiton sa maong ahensya.
Wala usab mahitabo nga promulgation sa Mayo 1 kay kini legal holiday sa nasud.
Samtang, gi deny ni Comelec Commissioner Luie Guia nga nagpagawas kini og promulgation batok kang Mayor Oscar Moreno.
