Dunay pahinumdum ang Commission on Elections o COMELEC sa mga botante alang sa Barangay ug Sangguinang Kabataan Elections.
Matud ni COMELEC Director Teofisto Elnas, angayng sigurohon sa mga botante n ga insakto ang ilang gamitong balota.
Matud pa nga itom ang tinta sa balota alang sa Barangay samtang pula ang sa S-K.
Angay usab nga siguraduhon sa mga botante nga insakto ang posisyon ug pangalang isulat sa balota.
Nagpahinumdum usab ang COMELEC nga gidili ang mag-selfie sulod sa mga presinto, gidili nga picturan ang balotang dunay mga pangalan na ug gidili nga magpost sa social media.
Magbutang usab ang ahensiya sa mga accessible nga polling precinct sa matag polling center alang sa mga senior citizen, buros ug person with disabilities.
Nanawagan usab ang Department of Interior and Local Government sa mga pulis nga dili na manginlabot sa pulitika ug siguraduhon na lang nga malinawon ang eleksyon.
