General Santos City—Gitugyan na sa COMELEC Gensan ngadto sa DILG ang paghatag ug desisyon human nga pipila sa mga opisyal sa dakbayan ang wala maka-submitar sa ilahang SOCE kon Statement Of Contributions And Expenditures.
Sumala kang Atty. April Miguel, Election Officer sa COMELEC Gensan nga nag-unang requirement gyud aron makalingkod ang usa ka opisyal mao ang iyahang pagsubmitar ug SOCE. Pinaagi matud pa kini pagpresenta sa ilahang certificate of compliance.
Dugang pamahayag ni Atty. Miguel nga ilalom sa balaud, dili gyud makalingkod ang kinsa mang opisyal sa barangay ug sk nga dili makasubmitar sa ilahang soce.
Sumala kang Atty. Miguel nga Hunyo 13 pa ang uwaheng adlaw sa pagsubmitar sa mga opisyal sa lahang mga SOCE kung asa base sa listahan, ubay-ubay pa gyud ang wala makahatag.
Sa karon matud pa wala pa sila nakapag-koordinate sa DILG, apan mihatag na sila ug listahan sa mga opisyal nga midaug nga walay SOCE.
