Nagpahinumdum ang Commission on Election o COMELEC sa mga botante alang sa Barangay ug Sangguniang Kabataan o S-K Elections.
Matud sa COMELEC, manu-mano ang botohan sa Barangay ug S-K ug hand written ang pagbutang sa mga kandidatong napili sa usa ka botante.
Duha ka balota ang madawat sa mga botanteng nag-edad 18 hangtud 30 anyos tungod kay pareho silang mobotor alang sa Barangay ug S-K.
Balota usab para sa S-K lang ang madawat sa mga botanteng nag-edad 15 hangtud 17 anyos samtang barangay ballot lang ang mahatag sa nag-edad 31 anyos pataas.
Pwedeng iboto ang usa ka barangay kapitan, pito ka barangay kagawad, usa ka S-K chairperson ug pito ka S-K kagawad.
Gipasabot usab sa COMELEC nga petsang “October 2017” ang nakaimprenta sa mga balotang gamiton sa Luzon ug Visayas kay kini ang mga balotang na-print sa wala pa masibog ang Barangay ug S-K Elections niadtong 2017.
Lakip usab sa mga gidili sa mismong adlaw sa eleksyon: • Ang pagpangampanya sa mga kandidato • Pagbaligya o pagpalit sa boto • Pagbaligya sa mga merchandise o ilimnon sa gilay-ong 30 metros gikan sa polling place • Pagpanghatag o pagdawat sa libreng sakay, pagkaon, ilimnon ug uban pa • Pagbaligya, pagpalit ug pagsilbi sa alak • Paghimo sa mga sugal nga dula sama sa sabong ug horse race • Pag-substitute sa usa ka botante sa uban • Pagbotar sa kapin usa ka higayon • Pagguba o pagdala sa mga dokumentong dunay kalabutan sa eleksyon
